Erlend Loe les «Kukene/Kukane»

Dette blir ein ekte lesemaraton som vil vare i 2–3 timar, sjølvsagt med velfortente pausar undervegs, der publikum kan strekkje på beina og kjøpe noko i baren.

Erlend Loe er kjend som ein særeigen opplesar – med humor, varme og perfekt timing. Har du høyrt nokre av bøkene hans som lydbok, veit du kva vi snakkar om.

Om «Kukene/Kukane»:
«Ein dag fell penisen til Tander av medan han står i dusjen. Det er lite ideelt og passar dårleg, mildt sagt.» Slik byrjar Kukene / Kukane – ei forteljing om tap, tilknyting og fridom, om kropp, skam og om kva det eigentleg vil seie å vere heil.

Forteljinga er absurd, morosam og tankevekkjande. I kjend Loe-stil balanserer ho lettheit og djupn, med eit blikk for det menneskelege som er både ømt og burlesk.

Boka fekk ei rekkje strålande meldingar då ho kom ut i fjor haust, og ho vart òg nominert til Bokhandlerprisen.

Frå meldingane:

«Når lo eg høgt av ein roman sist? Altså, beint fram skratta?» NRK «Loe er morsom, veldig morsom.» Dagbladet «Forfatterens tørrvittige stil er perfekt for absurde historier som dette.» Stavanger Aftenblad «Det er bare Loe som kan finne på noe så vilt og originalt, her er nok stoff til å kurere en lett høstdepresjon.» Adresseavisen «Loe er som alltid en morsom forfatter. Han skriver med en letthet som er beundringsverdig.» VG

Arrangementet er eit samarbeid mellom Bakeriet Frugård og Stord Mållag.