Klangboltane tilbake i Vømmøldalen / Sommarteltet 2024 - Lørdag

Det er tjue år sidan Klangboltane for første gong våga seg ut av Grishuset på Lunde, over vegen og inn på scena i Samhald. Med kormappene fulle av Hans Rotmo sine legendariske songar fylte dei storstova i Nordbygdo fleire kveldar på rad, og seinare vart det fleire opptredenar på Vømmølfestivalen i Værdal. Sidan den gong har boltane bala med alt frå Medaas til Cash, men desse kveldane i teltet er det igjen Vømmøl-musikken som står i fokus. Ja, og så blir det nok plass til litt av alt det andre òg.