Dørene opnar kl 18
Showstart kl 19
Dag Sørås og Espen Abrahamsen kjem til Arena for å gjere standup.
Det blir ein kveld med «humorspark» i alle retningar når Dag og Espen fyrer laus med sitt nyaste materiale.
Dag sitt kjenneteikn er brutal ærlegdom, både overfor seg sjølv og sitt liv, men også mot verda rundt seg. Med dagsaktuelt og samfunnsrefsande materiale er han nok ikkje eit soleklart fyrsteval for dei som er glade i raud nase og parodiar, men for dei som blir med inn i hans univers er han skarp, givande og veldig morosam.
Espen er ein framstormande standupkomikar som det siste året har gjort seg merka på ulike scener rundt om i landet. Med ein humor som strekkjer seg frå sylskarpe poeng og satiriske vitsar, til tullete historier om ei oppvekst på bondelandet utanfor Oslo, har han allereie rukke å bli ein publikumsfavoritt.
Sprache